Grannie Green Revivial

For post before Aug 09, please read it with Traditional Chi Big 5 Code

神樣,還是瞄了流汗水的人一眼

坦白說,星期日的記招反映了「春人部落」的失敗。

沒有個案、沒有專家、沒有計算影相位;只有四家媒體前來,已屬萬幸。

再加上,不應該說話的人,東拉西扯、死唔斷氣、一時講講調查、一時爆一些未經證實未有證據的所謂「內幕」、一時又扯到孔雀石綠,咁樣東一忽西一忽,以為自己漁翁撒網,求其有一個PT可以出。其實,今時今日,記者怎會吃這一套?你估係面對國內傳媒咩。

不過,佢半個多D鐘頭可以不斷以急口令方式不停講野,連一個抖氣位都無(婆婆在15分鐘後就放棄左打斷佢發言既奢望!),真係神乎其技,嘆為觀止。咁婆仔我都夫復何言。不過,婆仔由於都冇乜期望,所以都唔會有好大失望,所以我唔會好似以前阿張浚生咁「痛心疾首」?。

連阿偉文仔係廿分鐘後,都覺勢色不對,細細聲問我,「依家係咪離題?」係記者面前,婆仔我唔敢亂出聲,只可以豎起食指,叫佢唔好出聲。事後先答佢:「係呀」。

不過,好在調查本身夠「?實」,當日下午好幾間報館都「追落後」,結果翌日有「九張報紙,十篇文章」報導,都算係咁啦。始終,吹水無用,汗水雖然沒那麼花俏,但還是會有回報的。

小妮子在七月所流的汗水沒有白流! 神樣,還是瞄了流汗苦幹,不懂綽頭的人一眼。

關於這次環保調查,已經得Hong Kong Nonprofit Journal轉載,在此我要多謝袁先生。

不過呢,周日的焦點都是《環保觸覺》的「校服誘惑」!問過記者先生,佢話坐堂見到「女學生校服太透視」和「女學生大熱天穿冷衫怕『現形』」,當堂兩眼發光!

再睇新聞一出,即時在其他部落格找到以下兩篇文:

Be a Sexy Babe!

聽聽冷衫怎麼說

婆仔又計算錯誤!唔夠鹹濕,最後結局眼濕濕!唉!

Sex did sell!

昨日,文記和太公都登了《春人部落》記招的相;不約而同地,都唔係只登大當家大頭一幅,而係連埋小妮子「長髮披肩,純情大學生」look……

Sex does sell!

附記:周六研討會資料:

港珠澳大橋研討會Slideshow資料

Advertisements

August 30, 2005 Posted by | Environment | Leave a comment

勝利的狂喜!

舒拉寶娃出戰美國公開賽,先聲奪人!把希臘對手打得落花流水。

其中一板,反手打斜線從球場左邊打到右邊邊線,用盡球場闊度,反客為主反敗為勝,真係清脆玲瓏盡顯功架,讚啦!

(圖為舒拉寶娃勝利時振臂高呼!)

August 30, 2005 Posted by | Uncategorized | Leave a comment

80% Hongkongers blamed gov’t not doing enough for tree conservation

香港政府真的要加把勁兒啦,事關我阿婆仔D乖孫最近做了一個調查,發現有八成市民認為政府在保護樹木方面並未做得足夠。

樹木是環境保護的重要一環,政府理應順應民意,盡快訂立保護樹木條例和把保護樹木的權責責成單一部門,使權責更加明確,這樣才可讓香港的樹木得到更大的保育。

八成市民責政府保護樹木不力

其實,好似今日個記者會,最緊要的,第一係淡定;第二係淡定;第三都係淡定。

第一個淡定,係唔出聲,費事講多錯多,或者被人一窒,就套出唔應該講的說話來。

第二個淡定,係要「泰山崩於前而不變色」,總之一副poker face,等人唔知你其實好騰雞。

第三個淡定,當然係棯計應對,反客為主啦。

總之,唔好被人問一問就亂哂陣腳,或者係完全失控,東拉西扯乜都講一大餐,連用白紙搞毛毛蟲都講一餐,未經證實未有証據道聽途說的傳聞又講,忽然又講下孔雀石綠;東一忽西一忽,記者睬你都傻啦!

August 28, 2005 Posted by | conservation | Leave a comment

請學習學習對環境有利的新科技

婆仔我一直覺得,香港的環保份子有很大缺失,就係科技水平太渣!只係不停咁叫人「節約、節約、節約」,你估你係董太咩,咁鬼長氣,我呢個婆仔都唔會啦。

結果呢,咪搞到呢十幾廿年本土環保運動停濟不前囉。

一句老套話,知識改變命運,當人知得越多,越大機會改變現實的困局。其實,要達到環保賦權,必須要加強環保知識的傳遞,無論是「怎樣利用城規條例保育環境?」還是一種新的科技,甚至微觀至只是安裝一個分割器以減少浪費傳真紙張,都比純粹叫人清心寡慾,用少一點紙、用少一點電、涼少一點冷氣,來得更實際。

閒話少說,就俾課書你讀下先,睇下下面啦:

汽車氫燃料儲存方式大進展

August 27, 2005 Posted by | Environment | 3 Comments

Joke

今天聽到一個笑話:

有人話,有D同事太新,所以我暫時未能俾佢對外發言。

XXXXXXXXXXXXXXXXXXXX

真係呃鬼食豆腐,好似以前羅生係春人部落十幾年,都無乜權出聲。而力高山莊莊主都做左近十年,而家升到做莊主,上星期寫篇文,都要偷偷摸摸咁唔敢出自己個名。

所以,上述說話,純屬笑話一則,聽的人都不要信以為真也。

XXXXXXXXXXXXXXXXXXXX

至於「爭取保護樹木條例」運動,已正式於二零零五年八月廿三日中午十二時宣布魂歸天國,certified!

死因:死於發起人的三分鐘熱度,死於其機會主義性格,死於其急於求成見風就轉的死性

下一步的保樹運動,就更加迷惘不知所?。現在連條例都沒有,不知還可砌乜?

叫人領養樹木?去死吧!邊個會?,領養?做乜?

August 23, 2005 Posted by | Uncategorized | 1 Comment